［一日一蘋果，_ _ _ _ _ ］
相信你心入面一定知道下一句係乜野……
能夠遇上🍎，絕對係《人在泰香港仔日記》開頁以來一個不可忘懷嘅里程碑，相信呢一刻睇緊我講野嘅老朋友當中，唔少係因為呢隻🍎而知道香港仔嘅存在，當年其實條片唔只係出現喺港蘋+果籽，仲放埋去台蘋，有外國朋友text小弟叫我睇，我都受寵若驚。同時我都承認果陣我一晚之間變幾十萬view，成件事係有半秒喺度飄。
今時今日，一切一切都成為追憶，連想追返個種都無L埋，好在兩年前我多手dln咗，仲突然間發神經識得backup埋添～
呢啲唔單只係我同泰妹暗爽嘅珍貴回憶，其實都係一個時代終結時破滅火光中嘅一粒粉塵。
無人記得唔緊要，只要香港仔未老人痴呆，我都唔會忘記，就算我真係痴呆到咩都忘記，發生咗嘅野就係發生咗，無論你係身處咩維度、咩次元，都會記得，無可能改變得到！
幾鐘意呢句：活埋蘋果，化成種子
**最開心係我同當年拍呢條片嘅專業記者成為咗好朋友添呀
#嗱你千奇唔好答我醫生遠離我呀
#唔洗怕失去因為佢本身就永在
#見黃秋生先生FB圖寫住相濡以沫
Search